Ravisse min coin

http://ravissemincoin.fr/

In poète ch'ti dins nou coin (Notre patrimoine)

In ch'momint (avril-mai 2013) in inr'giste chés textes d'chés panneaux.
Chés des gins d'nous villach' qui lich'tent chés textes et in allant vir chés gins in n'a  r'treuvé in: Louis eud Wiques com' i s'appelle li même, qui écrit des poèmes in patois ben intindu.
In v'la un in honneur d' chés bénévoles.
Et nous cha nous connôt l'bénévolat !

BENEVOLAT
 
Merci gramin à chés bénévoles
Sins qui eul'vie s'rô parfos moins drôle
Euss' qui n'arcachent point chés hommeurs
Et distributent toudis du bonheur.
 
Tertous gins obscurs et sin arrire pinsée
Cha est vraimint des âmes bin nées
Des «  St Bernard » qui mériterotent bin ein médalle
Mais des médalles cha leur est bin égal
Si seul'mint i n'avot ein' eud l'amitié
Sur qu'alle leur serot destinée.
 
Eud leu timps i n'sont jamais avares
Même si parfos, i n'ont rin à voare
Parfos is in sont eud leu poche
Et cha jamais personne ne leur arproche
Diape, après tout, ch'est leurs sous
Alorss, in s'in fout.
Eul monte est ainsi fait ;
Que sin eusse, cha eun' pourrot nein aller !
 
Vif ché nénévoles
Vers euss min tiot cœur s'invole
 
Louis eud Wiques
 
Citation
I a souvint plus prométeux que d'ouvreux car
Ach pays des promesses in meurt eud faim.
 
 Jacques LEROUX